Jorge Andrey Sterner, avogado e socio do bufete Schlaich Dauss SLP, abordou o presente xurídico e do futuro posible das comunidades enerxéticas como ferramenta ideal para empoderar e achegalas á cidadanía incidindo no papel crucial das entidades locais nese proceso ao ser a administración local a máis próxima á cidadanía.

JJesús Sánchez-Ostiz, director xeral da Rede de Comunidades Enerxéticas S. Coop. Navarra, adentrounos na rede de comunidades dándonos algúns datos clave. Explicou o caso de éxito de Esparza, a primeira comunidade enerxética de Navarra, e a súa evolución desde 2019. Aporta unha visión esquemática das barreiras e das pancas das comunidades enerxéticas, e finaliza detallando o seu modelo de negocio cooperativo para as comunidades enerxéticas.

Juan Carlos Sacristán Antoni, presidente de Sapiens Energía, preséntanos a Sapiens Energía como unha sociedade cooperativa de consumidores e usuarios, e de traballo asociado. A súa visión caracterízase por estar localizada no ámbito local cunha entidade xurídica de 50 qm, cunha visión a longo prazo do autoconsumo colectivo e cun especial énfase na participación social con entidades xurídicas con capacidade de decisión autoxestionadas.

Nicolau Josep Claramunt Ruiz, alcalde de Albalat dels Sorells, presentounos o desenvolvemento da iniciativa comunitaria nun municipio de 4.100 habitantes. Baseados na proposta do concello de Rubí, comezaron a súa andadura caracterizándose por promover a redución das emisións. A súa filosofía é reducir o consumo enerxético, xerar un aforro económico e investir ese aforro para seguir mellorando.

Álvaro Ferrero Ferrer, alcalde de Portell de Morella, mostrou o caso dun concello pequeno do rural, de 178 persoas, compatibilizando o desenvolvemento comunitario poñendo o foco na solidariedade e na sostibilidade con accións medioambientais.

Rafael Larreina, presidente da Rede de Comunidades Enerxéticas S. Coop. Navarra, contextualizou a rede de comunidades e preentounos os tres modelos comúns da maioría das comunidades enerxéticas do rural e do traballo en fomentar os procesos participativos, empoderando ás persoas para cambiar o modelo de xestión da enerxía.

Carmentxu Etxarte, presidenta da Comunidade Enerxética Urroztarra, esclareceu a súa experiencia na cooperativa, os seus logros, as súas dificultades pasadas e futuras, e a ilusión por continuar crecendo e formando parte das comunidades enerxéticas.

Raquel Campillo, presidenta da Cooperativa Garesbide de iniciativa social, tratou a experiencia da súa comunidade, os seus retos e as dificultades da súa cooperativa, sen esquecer a ilusión por continuar e mellorar nas iniciativas locais de fortalecemento do tecido social e rural.

Ana Millán Dieste, presidenta da Asociación Arousa en Transición, tratou a experiencia do grupo promotor da Illa de Arousa para converterse na primeira iniciativa comunitaria en Galicia.

José Manuel Álvarez Campana, presidente da empresa pública Sumarte, do Concello de Arteixo, presenta a iniciativa da Cooperativa Enerxética Cidadá de Arteixo, unha iniciativa que nace da colaboración entre Ekiluz, do grupo REPSOL e o Concello de Arteixo co obxectivo de impulsar a implantación dunha comunidade enerxética local na que se poida beneficiar a cidadanía do concello.

José Ulla, alcalde de Begonte, acompañado de Miguel Angel Zamorano, de Masinteligencia SL, compartiron o desenvolvemento enerxético renovable nun concello rural e sinalando as dificultades técnicas, administrativas e ambientais para levalo a cabo.

José Luis Pascual Criado, director xeral do Agrupamento Europeu de Cooperação Territorial Duero-Douro, fai un percorrido desde o pasado ata a creación da cooperativa EFIDUERO coa que se pretende conseguir unha enerxía para o pobo, é dicir, unha independencia enerxética.