O proxecto europeo EC4RURAL botou a andar este mes de setembro cun orzamento de 1,6 mill\u00f3ns de euros e dez socios de tres pa\u00edses liderados pola Universidade de Vigo co obxectivo impulsar a transici\u00f3n cara as enerx\u00edas limpas nas zonas rurais europeas a trav\u00e9s de comunidades enerx\u00e9ticas. As entidades que forman parte deste consorcio estiveron reunidas na xuntanza de lanzamento deste proxecto, que ten un horizonte de traballo de 48 meses e est\u00e1 co-financiado polo Programa Life.
\nA Universidade de Vigo lidera o consorcio multidisciplinario do que forman parte a Universidade de Tartu (Estonia), a Federaci\u00f3n Galega de Municipios e Provincias, a Asociaci\u00f3n de Cidades e Municipios de Estonia, a Axencia Rexional da Enerx\u00eda de Tartu, a cooperativa Sapiens Energ\u00eda, a Uni\u00f3n LEADER de Estonia, Espazocoop Uni\u00f3n de Cooperativas Galegas, a Fundaci\u00f3n Juana de Vega e a Asociaci\u00f3n Europea de Grupos LEADER para o Desenvolvemento Rural, de B\u00e9lxica.
\nNa apertura da xuntanza de lanzamento participaron Maribel Doval, vicerreitora de Benestar, Equidade e Diversidade; Carlos Mart\u00ednez Carrillo, vicepresidente da Fegamp e Xavier Sim\u00f3n, investigador principal do proxecto, perteneciente ao Departamento de Econom\u00eda Aplicada, membro do Cispac (Centro Interuniversitario de Investigaci\u00f3n das Paisaxes Culturais Atl\u00e1nticas) e responsable do Observatorio E\u00f3lico de Galicia. Sim\u00f3n explica que a finalidade de EC4RURAL \u00e9 impulsar a creaci\u00f3n de comunidades enerx\u00e9ticas en municipios rurais, que se atopan nunha situaci\u00f3n desfavorecida en Europa a pesar da s\u00faa riqueza de recursos. A despoboaci\u00f3n, xunto co acceso limitado a servizos b\u00e1sicos e ao emprego, trad\u00facense a mi\u00fado na pobreza enerx\u00e9tica das persoas que habitan nestas zonas, situaci\u00f3n agravada polos elevados prezos da enerx\u00eda. As\u00ed, o reto deste consorcio \u00e9 axudar a transformar as relaci\u00f3ns entre as autoridades locais e rexionais e as comunidades rurais para contribu\u00edr as\u00ed \u00e1 transici\u00f3n cara unha enerx\u00eda limpa en Europa e garantindo que estas zonas rurais formen parte e se beneficien dos procesos de transici\u00f3n liderados por comunidades que producen electricidade mediante paneis fotovoltaicos.
\nEste cambio de paradigma arranca a trav\u00e9s de dous pilotos en Estonia e Espa\u00f1a, que permitir\u00e1n a creaci\u00f3n e posta en funcionamento de 34 comunidades enerx\u00e9ticas en outros tanto municipios rurais, 12 en Estonia e 22 en Galicia (Avi\u00f3n, Becerre\u00e1, Entrimo, Mazaricos, Moeche, Monterroso, Mu\u00ed\u00f1os, Muras, Ordes, Ourol, Outes, Palas de Rei, A Pobra do Broll\u00f3n, O Rosal, Salvaterra de Mi\u00f1o, Silleda, Sober, Tomi\u00f1o, Tordoia, O Valadouro, Vedra e Vilasantar). Isto implica actuar sobre preto de 2700 hect\u00e1reas e 94.000 habitantes.
\nAo longo dos 48 meses de traballo, o equipo tam\u00e9n se centrar\u00e1 en mellorar a formaci\u00f3n no eido do desenvolvemento enerx\u00e9tico comunitario, tanto dende o punto de vista xur\u00eddico como t\u00e9cnico e financeiro dos axentes locais para que poidan apoiar estas iniciativas. Promoveranse decisi\u00f3ns de inversi\u00f3n flexibles e viables a trav\u00e9s de modelos de negocio en enerx\u00edas renovables para a produci\u00f3n enerx\u00e9tica en zonas rurais e proporcionaranse recomendaci\u00f3ns no eido pol\u00edtico e no legal e regulamentario. Con todo isto, tratase de contribu\u00edr ao Segundo Piar da Pol\u00edtica Agr\u00edcola Com\u00fan e \u00e1 Axenda Territorial Europea. Finalmente, buscarase a escalabilidade do proxecto e a s\u00faa replicabilidade noutras rexi\u00f3ns.<\/p>\n","protected":false},"excerpt":{"rendered":"
O proxecto europeo EC4RURAL botou a andar este mes de […]<\/p>\n","protected":false},"author":2,"featured_media":1044,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[32],"tags":[],"yoast_head":"\n